François Xavier Buresi-Antonini

Description:

GHJOCHI.
Epopée de l'enfance idéalisée et magnifié ... où le poète évoque les jeux d'autrefois ...
il se souvient avec nostalgie de cette amour de jeunesse ... .

Baddaremu a guerra in corti di a scola
Suldati d'una stonda cù li scusali scuri ...
E lu prufumu longu di sta risa chì svola
Sarà d'inchjostru amaru è di ... cunfittura

A spissu l'istatina, infiara l'aria bienna
Da schjariscia in li visi, i nosci ochja ingriddati
E tutti li sicreti spartuti dopu cena
Ghjunti à li to labbra, sò basgi impivarati
Middi lumi d'arghjentu, di ramu è di mari
In li vapori strani di la me zitiddina
Un firmaia più nimu, era notti, mi pari
E puri la to voci era cussì vicina ...

E po veni lu tempu, più nudu è più sicretu
Paru à li to ochji d'isuli ch'ùn sò mei
Chì ciambotta li sensa è lu cori più chetu
Brusgendu par istrada u vanu di l'idei
Mimoria vagabonda, immensa è fantina
Inventa lindumani à senta lu so fiatu
Ch'ormai i to ricorda ùn sò chè pulvarina
U focu 'lli so ghjorna m'hà dighjà cunsumatu ...

Middi rimori dati com'è tanti pricheri
E li sapori vani di ciò chì ùn fù fattu
Firmaiani li toi à dì ch'è tù nun c'eri
E tutti sti piaceri ch'eiu ùn t'aghju cuntatu
Middi rimi circati par dì à tremavoci
Ch'eiu ti tinia caru ma l'anni si sò persi
Ti sianu cuncessi sta tarra è una croci
E com'è tistamentu, un pocu di sti versi ...